Aksidenti i rëndë në Fier, humb jetën një person

May 15, 2019

Policia e Fierit ka dhënë informacion zyrtar për aksidentin e ndodhur pasditen e sotme në aksin Levan-Tepelenë ku ka humbur jetën një person. Sipas policisë, aksidenti ndodhi rreth orës 15:10, në vendin e quajtur “Gurorja e Kremenarit” ku janë përplasur automjeti tip “Benz” me automjetin tip furgon.

Si pasojë e përplasjes ka ndërruar jetë drejtuesi i mjetit tip “Benz” si edhe janë dëmtuar 2 pasagjerët në mjetin tip furgon të cilët janë transportuar në Spitalin Rajonal Fier.

Grupi hetimor po punon për identifikimin e viktimës dhe 2 të dëmtuarve si dhe për sqarimin e plotë të rrethanave të ngjarjes.
Ndërkohë një kalimtar ka sjellë për “BalkanWeb” edhe pamjet e para nga vendi i ngjarjes pak çaste pas aksidentit ku personat e dëmtuar shihen ende brenda mjetit.