Tuesday, November 24, 2020
Home Sport Çoçlli: Luftojmë në dy fronte, Kupa provë para kampionatit - Nga Bujar...

Çoçlli: Luftojmë në dy fronte, Kupa provë para kampionatit – Nga Bujar Rama

Lajmi i mirë për fillimin e futbollit ka ngjallur optimizëm në kampin bardhejeshil. Është anuluar miqësorja e së shtunës kundër Laçit dhe skuadra “ka përveshur mëngët” për ndeshjet zyrtare.

Gjithçka nis me Kupën e Shqipërisë të dielën (me Turbinën në shtëpi) dhe të mërkurën do të luhet java e parë e Kategorisë Superiore (me Vllazninë në transfertë). Bardhejeshilët mirëpresin nisjen e sezonit dhe këtë e pohon për gazetën edhe zv.trajneri Nikolin Çoçlli.

“Është një vendim i shumëpritur dhe i mirëpritur nga të gjithë ne. Pas një periudhe gati utopike, entuziazmi i fillimit u ndie edhe te skuadra. Ishte një shkëndijë e mirë për të gjithë, sepse ka më tepër motivim për t’u paraqitur sa më kompetitivë në Kupë dhe në kampionat. Sa i përket Kupës, na ra në short një skuadër që e njohim dhe e respektojmë.

Turbina është ekip i fortë dhe pa diskutim që do ta vlerësojmë në maksimum dhe shpresoj ta kalojmë me sukses. Objektivat tanë janë madhorë dhe ne do të bëjmë maksimumin në të dyja kompeticionet. Përqendrimi do të jetë i njëjtë si në Kupë, ashtu dhe në kampionat, ku do të kërkojmë rezultatin maksimal.

Ndeshja e Kupës do të jetë një barometër matës për të parë nivelin tonë. Skuadrën e kemi të plotë dhe jemi të gatshëm për t’i përballuar me sukses të dyja ndeshjet, si në Kupë, ashtu dhe në kampionat”, shprehet numri 2 i pankinës.

LEAVE A REPLY

Please enter your comment!
Please enter your name here

Most Popular

Shqiptarët kanë mesatarisht 560 euro kredi për frymë, kryeson Tirana

Shqiptarët kanë mesatarisht 69 mijë lekë ose rreth 560 euro kredi për frymë. Të dhënat e Bankës së Shqipërisë dhe Instat tregojnë...

Sot, 327 raste te reja dhe 9 humbje jete.

Ministria e Shëndetësisë dhe Mbrojtjes Sociale bën të ditur se në 24 orët e fundit është shënuar sërish një rekord infeksionesh.

Zhurmat, rreziku tinëzar që i kanoset çdo ditë njerëzve

Zhurmat dhe tingujt e lartë janë jo vetëm acaruese, por prishin ritmin kardiak të zemrës. Një studim gjerman zbuloi se zhurmat e...

Hipizëm, zhvillohet gara në bregdetin e Darëzezës (Foto)

Sot Darëzeza e Fierit mori një tjetër dimension turistik. Kalorës të apasionuar pas kalërimit nga Fieri, Shqipëria, Kosova, Mali i Zi i...

Recent Comments