Aknet në trup, gjashtë mënyra për t’i parandaluar

Aknet janë një problem reale për çdo moshë dhe mund të shfaqen kudo ku keni pore. Në vende si fytyra, qafën, shpina dhe disa pjesë të trupit.

Shpërthimet e akneve janë të zakonshme tek personat që kanë lëkurë të yndyrshme ose tek ata që marrin medikamente të caktuara apo produkte të cilat bllokojnë poret.

Gjatë stinës së nxehtë një nga arsyet e shtimit të akneve në trup është edhe djersitja e tepërt.

Prandaj AgroWeb.org ju tregon 6 mënyra që mund t’i përdorni në çdo kohë për të parandaluar dhe larguar aknet nga trupi.

• Nisin sot regjistrimet online për klasat e para dhe të dhjeta në portalin e-Albania
• “Dhimbje e ngurtësi te duart”, shenja të fshehta të artritit reumatoid
• Darëzeza, oaz qetësie për peshkatarët amatorë: Kam 10 vite që gjuaj, kam zënë edhe 20 kilogramë peshk (Video)
• Pensionet/ Koeficientët e rinj të rivlerësimit të pagave, zbardhet skema! Përfitojnë mbi 40 mijë persona, ja si do të bëhet llogaritja
• Zegjine Çaushi reagon për herë të parë pas dhurimit të mandatit të deputetes (Video)

Vishni rrobat e duhura

Ne çdo kohë, por sidomos gjatë vapës mundohuni të shmangni materialet e këqija gërvishtëse, ato që shkaktojnë kruarje ose janë shumë të shtrënguara dhe zgjidhni copa me fibra si pambuku.

Kjo ndihmon që lëkura të jetë e butë dhe e ajrosur në çdo kohë dhe aknet e shkaktuara nga djersa, bakateret, yndyra dhe qelizat e vdekura të lëkurës do të zhduken.

Lahuni shpesh

Lënia e djersës në lëkurë pas një shëtitje, vrapit apo gjatë ditëve të nxehta, mundëson një mjedis miqësor për aknet që të zhvillohen në trupin tuaj.

Kështu mundohuni që të bëni dush sa më parë kur ndiheni të djersitur dhe me yndyrë të tepërt mbi lëkurë.

Trajtojeni lëkurën

Lëkurat me ynydyrë dhe të prirura ndaj akneve kanë tendencë të krijojnë më shumë qliza të vdekura në sipërfaqen e tyre të cilat mund të bllokojnë poret dhe shkaktojnë puçrra nëse nuk pastrohen në kohë.

Mjafton një trajtim me pas sheqer dhe vaj me të cilin mund të fërkoni fort lëkurën tuaj për të larguar edhe papastërtitë më të vogla.

Me këtë pastrim të butë të trupit të paktën një ose dy herë në javë ndihmoni në parandalimin e akneve.

Hidratohuni

Lëkura e hidraton natyrisht veten e saj me sebum, pra yndyrë, por kur niveli i hidratimit në trupin tuaj është jashtë normales lëkura juaj mund të prodhojë yndyrë të tepërt për t’u vetë hidratuar.

Kështu që hidratohuni çdo ditë duke konsumuar shumë ujë dhe duke përdorur kremra natyrale për trupin.

Pastroni telefonin

Telefoni juaj celular ka më shumë baktere nga sa mendoni.

Edhe nëse nuk e mbani shumë afër fytyrës ju e prekni me dua të cilat më pas prekin fytyrën. Kështu përhapni në trup bakteret që shkaktojnë akne apo puçrra.

Pastrojeni çdo ditë me një pastrues anti-bakterial të posaçëm.

Ndërroni shpesh këllëfin e jastëkut

Jastëku është një nga materialet që mbledh më shumë papastërti dhe ka shumë kontakt me fytyrën dhe pjesën e qafës.

Gjatë natës aty mbesin qeliza te vdekura të lëkurës, yndyrë dhe djersë.

Kjo bën që poret të bllokohen dhe të shkaktojnë akne në fytyrë dhe qafë.

Mundohuni ta ndërroni sa më shpesh këtë mbulesë, të paktën dy herë në javë dhe zgjidhni gjithnjë materiale pambuku ose mëndafshi./AgroWeb.org