Një aksident automobilistik është regjistruar pasditen e sotme në aksin rrugor Fier–Berat, pranë fshatit Velmish.
Një automjet tip “Benz”, me drejtues shtetasin Josif Shkëmbin, është përplasur me një mjet bujqësor tip Zetor.
Si pasojë e përplasjes ka mbetur i lënduar drejtuesi i mjetit bujqësor, i identifikuar si Ani Hazizi, i cili është transportuar me urgjencë drejt Qendrës Shëndetësore të Roskovecit për të marrë ndihmën e parë mjekësore.
Burime bëjnë me dije se i plagosuri ndodhet jashtë rrezikut për jetën.
Në vendngjarje kanë mbërritur shërbimet e Policisë dhe grupi hetimor, të cilët po punojnë për përcaktimin e shkaqeve të aksidentit dhe për disiplinimin e trafikut.
Aksi Fier–Berat konsiderohet një “njollë e zezë”, për shkak të aksidenteve të shumta që ndodhin në këtë segment rrugor, disa prej të cilave kanë përfunduar me pasoja fatale.
