Biblioteka e Fierit është kthyer sot në një qendër të rëndësishme takimi kulturor, ku u mirëprit Ambasadori i Azerbajxhanit në Shqipëri, z. Anar Huseynov.
📞 +355 69 747 6555
Në një postim të bërë nga vetë Biblioteka në Facebook, thuhet se kjo vizitë përfaqëson një hap domethënës drejt forcimit të lidhjeve kulturore dhe akademike mes Shqipërisë dhe Azerbajxhanit.
Postimi i plotë i Bibliotekës Publike “Dritëro Agolli”:
Sot në Bibliotekën tonë patëm kënaqësinë të mirëpresim Ambasadorin e Azerbajxhanit z.@Anar Huseynov
Vizita e tij përfaqëson një hap të rëndësishëm drejt forcimit të lidhjeve kulturore dhe akademike mes dy vendeve tona. Gjatë takimit u diskutua për mundësitë e bashkëpunimit në fushat e kulturës, arsimit, si dhe promovimit të ndërsjellë të letërsisë dhe historisë..
Z. Ambasador vlerësoi projektet që janë zhvilluar në Bibliotekën Fier dhe shprehu gatishmërinë për të mbështetur më tej këto iniciativa. Ai premtoi dhurimin e një fondi të vlefshëm librash shqip dhe në gjuhë të huaj, si dhe përfshirjen e Bibliotekës Fier në një projekt kulturor që do të realizohet në Baku, Azerbajxhan.
Në këtë vizitë të parë Ambasadori Huseynov dhuroi disa tituj në gjuhën shqipe mbi kulturën, historinë dhe kulinarinë e Azerbajxhanit, duke pasuruar fondin e bibliotekës dhe duke thelluar bashkëpunimin kulturor mes dy vendeve.
Në shenjë mikpritjeje dhe falenderimi ndaj z. Ambasador për praninë dhe interesin e treguar, iu dhane dhurata simbolike nga Biblioteka. Urojmë që kjo vizitë të shënojë fillimin e një bashkëpunimi të frytshëm dhe afatgjatë!
