Flavia Harizaj, 27 vjeçarja nga qyteti i Fierit ka “rrëmbyer” kurorën e më të bukurës. Ajo është kurorëzuar mbrëmjen e djeshme, në një natë plot emocione, si “Miss Universe Albania 2025”.
📞 +355 69 747 6555
Harizaj, vajza që ka studiuar për financë, të cilës gjithmonë i ka pëlqyer bota e televizionit mundi konkurencën e vajzve të tjera dhe arriti që të triumfojë.
Ndërkohë, kurorën e Miss Universe Kosova 2025, e fitoi Dorea Shala.
Spektakli madhështor “Miss Universe Albania & Kosova 2025” u zhvillua në Tiranë dhe u ndoq me interes të madh nga publiku. Përveç kurorëzimit të dy vajzave që do të mbajnë flamujt shqiptarë në skenën globale, u bë edhe një njoftim i rëndësishëm: duke filluar nga viti i ardhshëm, Kosova do të ketë garën e saj të veçantë të Miss Universe, që do të organizohet në Prishtinë.
Ky ndryshim simbolizon një riorganizim të madh për konkursin e bukurisë dhe synon të forcojë identitetin kulturor të secilit shtet, duke sjellë përzgjedhje më të përqendruar dhe përfaqësim më të denjë në nivel ndërkombëtar.
Tashmë për Flavia Harizajn dhe Dorea Shalën nis rrugëtimi i përgatitjeve për skenën e madhe në Tajlandë, ku do të përballen me konkurente nga e gjithë bota në një spektakël që shkon përtej bukurisë – duke promovuar vlera, inteligjencë dhe përfaqësim kulturor.
