Një 25-vjeçar shqiptar është gjetur i vdekur pas dy ditësh kërkimesh në zonën e San Severino di Centola, në provincën e Salernos në Itali. I riu ishte shpallur në kërkim pas një tentative për vjedhje të ndodhur natën e së dielës në një banesë në Foria di Centola.
📞 +355 69 747 6555
Sipas mediave italiane, viktima dyshohet se është qëlluar me armë zjarri nga pronari i shtëpisë, i cili i kishte kapur në flagrancë hajdutët. Pronari aktualisht ndodhet nën hetim për përdorimin e armës.
I plagosur mbeti edhe një tjetër person i përfshirë në tentativën për vjedhje, i cili është shtruar në një spital në Napoli. Ndërkohë, një i tretë është ende në arrati dhe vijojnë kërkimet për lokalizimin e tij.
Gjatë grabitjes mësohet se është marrë edhe një armë zjarri, që ishte në pronësi të ligjshme të banorit.
Autoritetet italiane kanë nisur hetimet për të zbardhur rrethanat e ngjarjes.
Burimi: panorama.com
