Pas 6 viteve të mbushura me emocione, sakrifica, fitore dhe përkushtim, portierja Antigoni Hyska largohet nga Apolonia, jo si një ndarje, por si një hap i ri drejt ëndrrave më të mëdha në arenën ndërkombëtare.
Lexoni më poshtë fjalët e saj prekëse, për klubin, shoqet, tifozët dhe të gjithë ata që kanë qenë pjesë e këtij rrugëtimi të mrekullueshëm.
“Është e vështirë të nisësh dhe të flasësh për këtë klub, ku kam qëndruar 6 vite së bashku me ju, dhe vjen momenti për t’u larguar.
Kliko produktin dhe na ndiq në Facebook!
📱 Porosi online në WhatsApp: 069 709 9465
📸 Na ndiq edhe në Instagram: Demalt Store
➤ Shiko më shumë në FacebookNjë klub që më rriti si një nënë, si familja ime, si e vogla në shtëpinë tuaj. Një klub ku kam kaluar sfida, lot, mund, djersë, sakrifica, guxim, kurajo, forcë, gëzim, triumfe, humbje dhe fitore. Një klub që më mësoi të jem dikush.
Prandaj sot më vjen shumë e vështirë të flas për largimin tim nga ju. Nuk largohem sepse më mungon diçka këtu, por sepse puna dhe përkushtimi i përbashkët më kanë hapur shumë dyer në Europë.
Dua t’u tregoj klubeve të mëdha se jam rritur në një klub të bukur dhe të madh në Shqipëri.
Faleminderit nga zemra! Nuk di nga të nis…
Faleminderit Presidentit që ka qenë gjithmonë mbështetja ime.
Faleminderit trajnerëve që kanë qenë gjithmonë mbështetësit e mi, edhe në gabimet e mia.
Faleminderit shoqeve të skuadrës, me të cilat kemi dhënë djersë, mund, lot dhe gëzim në fushë, dhe së bashku kemi shkruar histori duke u shpallur kampione të Shqipërisë.
Faleminderit stafit të akademisë dhe të gjithë atyre që kanë kontribuar në rrugëtimin tonë.
Faleminderit trajnerit tim, që më mësoi të jem një portiere e kërkuar, falë punës së tij të palodhur.
Faleminderit tifozëve për duartrokitjet, brohorimat dhe fjalët e mira që nuk u shterën kurrë.
Faleminderit që besuat tek unë për kaq shumë vite dhe më ndihmuat ta bëj ëndrrën time realitet.
Ju premtoj se do të mbaj fort këtë fanellë dhe do të përpiqem ta nderoj gjithmonë duke e çuar sa më lart emrin e saj.
Gjithmonë me ty, Apolonia e Madhe 🤍💚
