Shumë njerëz e lidhin sëmundjen e zemrës vetëm me dhimbjen e fortë të kraharorit, por shpesh ajo fillon me shenja të heshtura që kalojnë pa u vënë re. Njohja e këtyre sinjaleve mund të shpëtojë jetë.
📞 +355 69 747 6555
🔻 1. Lodhje e pazakontë
Nëse ndiheni të lodhur edhe pas një nate të mirë gjumi, ose kur kryeni aktivitete të thjeshta ditore si ngjitja e shkallëve – kjo mund të jetë një sinjal që zemra juaj nuk pompon gjak siç duhet.
🔻 2. Frymëmarrje e shkurtër
Vështirësia në frymëmarrje pa shkak të dukshëm, madje edhe kur jeni ulur ose pushoni, mund të jetë shenjë e problemeve kardiake ose mushkërive.
🔻 3. Dhimbje në qafë, nofull ose shpatulla
Nuk është gjithmonë kraharori ai që dhemb. Dhimbja që përhapet në pjesë të tjera të trupit, veçanërisht në krahun e majtë, është një simptomë e zakonshme tek gratë.
🔻 4. Ndjesi e rëndë ose presion në kraharor
Jo gjithmonë dhimbje, por ndjesia e një “tensioni” ose shtrëngimi në kraharor, veçanërisht gjatë lodhjes ose stresit, duhet të merret seriozisht.
🔻 5. Djersitje e tepruar pa arsye
Djersitja e ftohtë ose e papritur, sidomos gjatë pushimit, është një simptomë që shpesh neglizhohet por që mund të paralajmërojë një atak në afërsi.
🧠 Kujdes!
Këto shenja nuk do të thotë gjithmonë që keni problem serioz me zemrën, por janë sinjale që nuk duhet injoruar. Këshillohet të bëni një kontroll mjekësor nëse i vëreni vazhdimisht.
