Fier, 26 Qershor 2025 – Qyteti antik i Apolonisë po bëhet çdo ditë e më shumë një pikë referimi për vizitorët vendas dhe të huaj që kërkojnë të zbulojnë thesaret historike dhe kulturën e pasur të Shqipërisë.
📞 +355 69 747 6555
Në një postim të fundit në rrjetet sociale, Kryetari i Bashkisë Fier, Armando Subashi, shprehu krenarinë për rritjen e interesit turistik që po përjeton ky vend i jashtëzakonshëm, duke theksuar rëndësinë e harmonisë fetare dhe vlerave të trashëgimisë sonë kulturore:
“Qyteti antik i Apolonisë, i ndriçuar nga dielli, mirëpret çdo ditë e më shumë turistë nga e gjithë bota, të cilët vizitojnë sitet e mrekullueshme që pasqyrojnë historinë, kulturën dhe harmoninë fetare që na karakterizon.”
Apolonia, e ndodhur vetëm pak kilometra nga qyteti i Fierit, ofron një peizazh mahnitës ku arkeologjia, natyra dhe spiritualiteti përzihen në mënyrë të përkryer.
Ajo vazhdon të jetë një prej destinacioneve më të vlerësuara për turizmin kulturor në Shqipëri, duke i dhënë një shtysë të rëndësishme edhe zhvillimit lokal.
