Mes emocionesh gëzimi, maturantët të cilët kanë dalë me rezultate të larta nga matura shtetërore dhe e kanë degë të preferuar mjekësinë e përgjithshme, nga kjo e hënë kanë nisur t’i nënshtrohen testimit të informatizuar, i cili është një filtër që përcakton nëse do ta përfitojnë këtë degë.
Secili maturant testohet për dy orë online dhe përgjigjet i marrin në kohë reale sapo përfundojnë. 70% të pikëve i përfitojnë nga rezultatet e maturës shtetërore dhe 30% të pikëve i marrin nga testimi i informatizuar.
Ajo që është vënë re këtë vit është rënia e numrit të aplikantëve. 1200 kandidatë kanë aplikuar, ndërkohë që do të përzgjidhen 436 studentë, pasi pjesa tjetër i përket kuotave të trevave.
Për herë të parë këtë vit studentët e mjekësisë do të nënshkruajnë kontratën se pranojnë të ofrojnë shërbim shëndetësor për tre vite në vendin e tyre pasi të përfundojnë studimet.
Edhe pse mjekësia është ndër degët më të preferuara, ka edhe nga ata maturantë të cilët e kanë zgjedhur sepse ka qenë preferencë e prindërve.
“E bëra testin, por nuk dua ta fitoj, dua inxhinieri. Prindërit donin mjekësi”, u shpreh një prej studentëve.
1200 maturantët do të testohen të ndarë në grupe deri ditën e enjte./tch
Related posts:
Ishin kthyer në tmerrin e banorëve të Torinos, arrestohen 8-të ‘skifterët’ shqiptarë
Nga depresioni te shërimi i brendshëm – Mjekja shqiptare ndan përvojën e saj unike
Plani i ri për hapësirat publike, Rama: 75% këmbësorët, 25% njësia e shërbimit
Qeveria ndryshon bonusin e lindjes: Ja sa lekë do merrni çdo muaj për fëmijën nga 2026
