Në Fier dhe Mallakastër ka nisur më herët sezoni i vjeljes së rrushit, i ndihmuar nga kushtet e motit.
Në fshatra si Kurjan i Roskovecit dhe Ninësh i Mallakastrës, prodhimi është rritur me 10%, duke përmirësuar të ardhurat e vreshtarëve.
“Vijnë e marrin ata që kanë kantina vere, sepse është një rrush cilësor nga natyra, vendi. Jam i kënaqur për këto që kam, edhe me prodhimin, edhe me cilësinë. Nga viti në vit e rrisim, i bëjmë më tepër vreshtit,” shprehet fermeri Luli Saliaj.
Të dhënat nga Drejtoria e Bujqësisë në Fier tregojnë se prodhimi është rritur me 1.500 tonë krahasuar me një vit më parë, duke kaluar nga 30.136 tonë në vitin 2024 në 31.543 tonë këtë sezon.
“Sivjet është preferuar rrushi i Ninëshit. Ndihmojmë njëri-tjetrin. Do i ndihmoj unë nesër-pasnesër kur të vjelin ata rrushin e tyre,” thotë fermeri nga Mallakastra.
Sipas specialistëve, rendimenti më i lartë lidhet me mungesën e reshjeve, pasi vreshtat në kushte të thata japin prodhimin maksimal.
Përveç zonave tradicionale të Fierit dhe Mallakastrës, kultivimi po zgjerohet edhe në Libofshë dhe disa fshatra të Lushnjës, ndërsa ka nisur edhe mbjellja e rrushit në serra.
/rtsh.al/
Related posts:
Zgjedhjet e 11 Majit/ Zbulohet lista e mbyllur e PD-së për Fierin
Ekipi i mjekëve në Spitalin Memorial në Fier realizon me sukses ndërhyrjen për heqjen e mpiksjes së gjakut në tru
“Haberet e Fshatit”/ Në Lalar të Fierit, aty ku takova njerëzit më fisnik dhe plot humor, ”Ledjona ha sallator se i kemi bio” (Video)
Apolonia triumfon në Gjermani – fituese e “Malle Cup 2025” në kategorinë e veteranëve
