Sot Shqipëria feston 113-vjetorin e Pavarësisë. Shqiptarët e të gjitha trevave e nderojnë këtë ditë si një nga momentet më të rëndësishme të historisë së vendit.
Në të gjitha qytetet zhvillohen aktivitete festive, me në qendër në Vlorë, aty ku Ismail Qemali ngriti flamurin kuqezi më 28 nëntor të vitit 1912.
28 nëntori përkon edhe me ditën kur Gjergj Kastriot Skënderbeu ngriti më 1443 flamurin e Kastriotëve në Krujë, duke udhëhequr rezistencën kundër Perandorisë Osmane.
Pavarësia e Shqipërisë u shpall më 28 nëntor 1912 nga Ismail Qemali në Vlorë. Në Kuvend morën pjesë 83 delegatë nga të gjitha trevat shqiptare, dhe 40 prej tyre nënshkruan Aktin e Pavarësisë.
Menjëherë më pas, Asambleja formoi qeverinë e parë të pavarur, të kryesuar nga Ismail Qemali, si dhe Këshillin e të Urtëve të njohur ndryshe edhe si Pleqësia.
Me vendimin e Kuvendit të Vlorës, kombi shqiptar fitoi të drejtën e tij të pamohueshme për të qenë i lirë e i pavarur.
Related posts:
Shqipëria në negociata për 20,000 punonjës filipinas në sektorin e turizmit
Pagesa me këste deri në 20 vite dhe falje kamatëvonesash, skema e re e OSHEE për mbledhjen e detyrimeve
“Kërkohen dy drejtorë…”/ Policia e Shtetit hap konkursin, ja kush mund të aplikojë
“I dashuri kriminel e hodhi nga kati 4, më pas shkoi…”/ Vdekja plot mister e të resë shqiptare, miku i saj bën ZBULIMIN TRONDITËS
