Luftar Paja lindi në 1 dhjetor 1941, në Gorishovë (Cakran, Fier).
Aktivitetin teatror do ta niste qysh në moshë të hershme, në radhët e lëvizjes amatore, ndërkohë që në vitin 1963 do të diplomohej në kursin e aktorëve pranë Teatrit Popullor në Tiranë.
Më pas, për tri dekada, do të ishte një prej aktorëve kryesorë të Estradës dhe Teatrit ‘’Bylis’’ të Fierit.
I shquar kryesisht si aktor i zhanrit të humorit, ai do të “skaliste’’ me mjeshtërinë dhe talentin e vet me dhjetra personazhe dhe karaktere, që kanë mbetur të pashlyera në memorien e spektatorit dhe publikut shqiptar.
Duke përfshirë edhe angazhimin në Teatrin Kombëtar, Luftar Paja numëron në repertorin e tij artistik 700 figura dhe personazhe të realizuara.
Një kontribut të shquar ai ka dhënë edhe në Kiematografinë shqiptare, duke interpretuar në 30 filma artistikë.
Për merita dhe kontribute në teatër dhe kinematografi, Luftar Paja është vlerësuar me çmime të ndryshme, përfshirë edhe titujt:
‘’Artist i Merituar’’, ‘
’Artist i Popullit’’,
“Medalja Naim Frashëri”,
‘’Qytetar Nderi’’ i Fierit,
‘’Nderi’’ i Qarkut Fier,
“Simbol” i Qytetit të Tiranës, etj.
Related posts:
Shkëlqim Ruçaj, mësuesi fierak që nuk ‘njeh’ moshën e pensionit! Pas gjysmë shekulli në arsim, shkruan libra e konsulton nxënësit (Video)
Personalitete që lënë gjurmë: Armando Subashi vlerëson trashëgiminë e Tuni Papuçiut
Investime për rrjetin elektrik në Fier e Patos/ OSSH hap dy tendera me fond limit total 204 mln lekë. Synohet rritja e cilësisë
Shtohen kërkesat për mamografi në Fier/ Rriten rastet e diagnostikimit mes grave, janë prekur tre burra
