Tensionet në protestën e PD-së/ Policia shpërndan protestuesit, mbërrin autoboti me ujë

Policia ka nisur shpërndarjen e protestuesve të opozitës me ujë.

Mësohet se në zonën e bashkisë ka mbërritur një autobot me ujë, që ka nisur të hedhë ujë ndaj protestuesve..

Opozita e udhëhequr nga Partia Demokratike proteston sot, përmes mosbindjes civile duke bllokuar disa akse kryesore në Tiranë.

Protesta sot është akti i tretë i Mosbindjes Civile. Forma e protestës sot është e njëjtë si herën e fundit, duke bllokuar disa rrugë përmes mosbindjes civile.

Opozita ka bllokuar Rrugën e Elbasanit, rrugën te sheshi Willson, aksin te Pallati me Shigjeta, rrugën pranë Bashkisë së Tiranës dhe rreth rrotullimin te Zogut i Zi.

Opozita kërkon krijimin e një qeverie teknike për të organizuar zgjedhjet parlamentare 2025.