Ditë dhe natë afrikane! Këtë të mërkurë temperaturat nën hije shkojë deri në 41 gradë celsius, si pritet të jenë ditët në vijim
Një valë tjetër e të nxehtit afrikan ka përfshirë vendin tonë duke e ngritur zhivën e termometrit në mbi 40 gradë Celcius.
Sipas Shërbimit Meteorologjik Ushtarak kjo situatë do të zgjasë deri në mesin e javës tjetër me temperatura 43 apo 44 gradë Celcius.
“Masat ajrore me origjinë nga veriu i Afrikës kanë përfshirë pjesën më të madhe të Ballkanit duke sjellë temperatura të larta që janë disa gradë mbi mesataren mujore. Këto masa ajrore tashmë e kanë përfshirë edhe vendin tonë duke sjellë temperature të larta.
Ditën e djeshme në qytetin e Elbasanit u regjistrua 40 gradë Celcius. Për ditën e sotme ne presim rritje të temperaturave kryesisht në mesditë që pritet të shkojnë në zonat e ulëta deri ën 42 gradë Celcius. Këto masa ajrore do të jenë prezente në vendin tonë deri në mesin e javës tjetër duke na sjellë rritje të temperaturave më kulmin e vet që pritet ta arrijnë ditën e hënë dhe të martën ku në zonat e ulëta termometri të shënojë 43, 44 gradë Celcius”, u shpreh Besa Sherollari, nga Shërbmi Meteorologjik Ushtarak.
Top Channel
