Policia ka në dorë pamjet e filmuara nga kamerat e sigurisë mbrëmjen e 20 marsit, jo shumë larg Xhamisë së Lushnjes ku dy të rinj kanë dhunuar një 43 vjeçar me aftësi të kufizuara në të folur dhe dëgjim (Shurdhmemec)
Fabjol Hysi është dhunuar brutalisht me sende të forta dhe ndodhet në gjendje të rëndë në reanimacion në Spitalin e Traumës në Tiranë dhe pranë tij ndodhet e ëma.
Burimet nga spitali i Traumës i thanë gazetares, Joana Preja, se gjendja shëndetësore e Fabjolit vijon të jetë me parametra stabël.
Ndërkohë dje kanë dalë para gjykatës dy të rinjtë e arrestuar për këtë dhunë Enea Korreshi, 23 vjeç, dhe Irgi Nasufi, 20 vjeç, të dy banues në këtë qytet. Ata akuzohen për plagosjen e rëndë të Fabjol Hysit dhe ndaj tyre është dhënë masa e sigurisë ‘arrest me burg’
Pamjet e kamerave të sigurisë kanë treguar se të rinjtë pasi e kanë ngacmuar me fjalë më pas e kanë dhunuar. Burimet bëjnë me dije se si pasojë e dhunës, 43-vjeçari ka pësuar fraktura në kafkë dhe hemorragji në tru, ndërsa aktualisht ndodhet në Spitalin e Traumës në Tiranë në luftë për jetën.
Për policinë të arrestuarit kanë treguar se me 43-vjeçarin njiheshin edhe më parë. Fillimisht gjithcka ka nisur një talljeje me të për shaka, por në momentin që Fabjol Hysa i ka ofenduar, aty e kanë goditur me grushte. Dyshohet se për shkak te dhunës 43-vjecari ka përplasur kokën ne një cep muri, çka i ka sjellë edhe dëmtimin e rëndë në kokë.
Të arrestuarit,njëri prej tyre fqinj i Hysit u dërgua në paraburgimin e Fierit, ndërsa Fabloj Hysi vijon të jetë në spitalin e Traumës e pranë tij ndodhet e ëma, Fatbardha.
shqiptarja.com
