Xhoen Osmënaj do të jetë pjesë e listës së kandidatëve për deputetë të Lëvizjes BASHKË për qarkun e Fierit.
Xhoen Osmënaj është një profesionist me eksperiencë të gjerë në fushën e teknologjisë së informacionit dhe telekomunikacionit.
Arsimin e mesëm e ka përfunduar në shkollën profesionale “Petro Sota” në Fier, ndërsa studimet universitare i ka ndjekur në Universitetin “Ismail Qemali” të Vlorës, ku është diplomuar në Marketing.
Edhe pse i diplomuar në një fushë ekonomike, rrugëtimi i tij profesional është ndërtuar mbi pasionin për teknologjinë.
Ai ka zhvilluar një karrierë të konsoliduar në IT, duke mbajtur pozicione të rëndësishme teknike dhe menaxheriale në kompani ndërkombëtare. Aktualisht, ai punon si Telco Delivery Manager ku drejton projekte të mëdha në sektorin e telekomunikacionit.
Më parë ka punuar për kompani si Wolters Kluwer, Vodafone, VoipTel Italia dhe Yura Corporation, duke fituar eksperiencë në administrimin e rrjeteve, konsulencë teknologjike dhe zhvillimin e shërbimeve për klientë në nivel ndërkombëtar.
Xhoeni është pjesë aktive e Lëvizjes BASHKË, ku angazhohet për një politikë të ndershme, përfaqësuese dhe në shërbim të shumicës shoqërore.
I rritur dhe i formuar në Fier, ai njeh nga afër problematikat e qytetit dhe zonave përreth dhe synon të jetë zëri i njerëzve të zakonshëm në Kuvend – i atyre që politika i ka lënë pas.
Përtej profesionit, është i apasionuar pas teknologjisë, elektronikës dhe futbollit.
Me integritet, përkushtim dhe një sens të fortë drejtësie, Xhoen Osmënaj përfaqëson një brez të ri qytetarësh që nuk dorëzohen dhe që janë gati të ndërtojnë një Shqipëri ku askush nuk përjashtohet.
