Vrasja e dy vëllezërve në Roskovec/ Gruaja e Lavdimirit: Të vihet drejtësi! Fëmijët e kanë shumë të vështirë
Bashkëshortja e Lavdimir Kurtit, i cili u ekzekutua së bashku me të vëllanë Gramos Kurti nga bashkëfshatari i tyre Altin Kuka, ka kërkuar drejtësi.
- Ish-prokurori tregon sa vite burg rrezikon të dënohet Ilir Meta
- Rama: Mosdeklarimi i pagave grabitje e pensionistëve, masa të rënda administrative deri edhe penale
- “Kontroll në vilën e Metës dhe Kryemadhit në Gjirin e Lalzit”, Klodiana Lala për arrestimin e kreut të PL
- Tetori Rozë, Koçiu dhe Balluku apel grave të Fierit: Parandalimi shumë më efikas se kurimi, kontrolle falas pa sistem referimi
- SPAK cakton detyrim paraqitje për Monika Kryemadhin
Në emisionin “Me zemër të hapur” të moderatores Evis Ahmeti, ajo u shpreh se të përfshirët në krimin e dyfishtë duhet të varen në vendin ku u vranë Lavdimiri dhe Gramos.
Gruaja e viktimës theksoi se fëmijët e tyre kanë humbje të madhe për vdekjen e të atit, ndërsa tregoi se djalit 7-vjeçar ende nuk i kanë treguar që Lavdimiri është vrarë
“Nuk i njihja fëmijët e Altinit, ishte i ardhur. Ishte i birësuar nga tezja e tij në fshatin Kurjan. Vajzën e 16, djalin e dytë 13 dhe të voglin 7 vjeç. Ndihem shumë keq. Është një dhimbje e fortë, duam drejtësi.
Para gjykatës së Apelit kërkuam drejtësi, më la fëmijët në mes të rrugës. Të varen atje ku u vranë ata të dy.
Duam drejtësi. Ja kam shpjeguar fëmijëve situatën, kanë dhimbje. I vogli po e përjeton më keq, nuk i kam thënë që babai është vrarë. E ndjen mungesën e tij, i kam thënë që është afër na ruan”, tha gruaja e Lavdimir Kurtit.
Krimi i dyfishtë ndodhi në fshatin Kurjan të Roskovecit më 10 Shtator në lokalin e viktimave.
Policia ka vendosur në pranga Altin Kukën dhe dy djemtë e tij, Ervis Kuka dhe Emaurisio Kuka, pasi akuzohen si autorë të dyshuar të vrasjes së dy vëllezërve.
Altin Kuka dhe dy djemtë e tij, 21-vjeçari Ervis Kuka dhe 18-vjeçari Emaurisio Kuka dyshohet se në bashkëpunim me njëri-tjetrin vranë me automatik dy vëllezërit për motive të dobta.
Gjithashtu është arrestuar 67-vjeçari Tomor Zyka, banues në fshatin Çukalat, për veprën penale “Përkrahja e autorit të krimit”.
Ndërsa babai i autorit të krimit, 79 vjeçari me iniciale Y. K., u procedua në gjendje të lirë për shkak të moshës për veprat penale “Mbajtja pa leje dhe prodhimi i armëve, armëve shpërthyese dhe i municionit”, dhe “Prodhimi dhe mbajtja pa leje i armëve të gjuetisë dhe sportive”.
Ngjarja tronditëse ndodhi mesditën e djeshme (10 Shtator) në fshatin Kurjan të Roskovecit. Viktimat po pinin kafe kur u qëlluan me breshëri automatiku. Pas krimit Altin Kuka u vetëdorëzua në polici, ndërsa disa orë më vonë u arrestuan edhe djemtë e tij.
