Detaje të reja janë zbuluar nga hetuesit grekë për rrahjen për vdekje të 58-vjeçarit vendas mbrëmjen e djeshme në Neos Kosmos të Athinës.
- Firmoset marrëveshja për ndërtimin e anijeve në Pashaliman, Rama: Do jetë në dobi edhe të vendeve aleate
- 75 familje në Drizar kërkojnë ndërhyrje urgjente: Rruga e varrezave e pakalueshme prej dekadash
- Uruguaj 1930: Misteret dhe çmenduritë e Botërorit të Parë që historia i ka harruar
- “Bëj ushtrime për muskujt e barkut”, Meta flet për pamjen e ndryshuar: S’jam pa ushqim, por stërvitem 4 orë në ditë.
- Alban Skënderaj rikthehet me albumin “Rrënjët”: Një projekt personal që prek identitetin dhe kujtesën
Autori i dyshuar i krimit është 29-vjeçari shqiptar, një prej 3 të arrestuarve për krimin e rëndë, i cili gjithashtu pas marrjes në pyetje ka rrëfyer dinamikën dhe shkaqet që çuan në këtë krim brutal. Ai ka thënë se nuk kishte qëllim vrasjen, por veproi në gjaknxehtësi.
Autori, emri i të cilit nuk u publikua, i tha policisë se ishte grindur me shoferin e makinës sepse i kishte zënë rrugën, sipas informacioneve nga “Protothema”. Pati dyshime edhe për një ndjekje të qëllimtë, një krim të paramenduar, por kjo është hedhur poshtë nga të dyshuarit.
Hetimi policor kishte zbuluar se tre të rinj, dy grekë dhe një shqiptar, ishin pas makinës së 58-vjeçarit në dy motoçikleta. Dëshmitë në dispozicion të autoriteteve kompetente tregonin se autori i kishte kapur kokën 58-vjeçarit dhe e kishte goditur vazhdimisht në timon.
Policia e gjeti makinën e viktimës të mbuluar në gjak, “madje edhe xhami i përparmë ishte i thyer”.
Përveç tre të rinjve, u arrestua edhe babai i njërit prej tyre, pasi kur policia shkoi në shtëpinë e tij për një kontroll shtëpie, ai u përpoq të fshihte motoçikletën e të birit. Vlen të përmendet se të tre të përfshirët kanë qenë më parë në paraburgim nga policia për vepra të ndryshme penale.
