Gjithnjë e me shumë shqiptarët po preken nga sëmundjet e veshkave dhe një nder shkaqet është kequshqyerja.
Statistikat flasin për 1200 pacientë të kartelizuar gjatë vitit 2024 në qarkun e Fierit, nga të cilët 75 kanë nevojë për transplant renal, ndërkohë që 120 prej tyre trajtohen me hemodializë.
Sipas nefrologes Shpresa Stasa, në Spitalin Rajonal Fier, grupmosha më e prekur është mbi 60- vjeç.
‘Numri i të prekurve vjen në rritje. Mbi moshën 45- vjeç duhet depistimi dhe mbi 50 vjeç duhen check- up-e të rregullta që të kapen sa më herët.
Më të prekur janë mosha mbi 60- vjeç. Për një dietë të shëndetshme duhet të mos pihet duhan, pa alkol dhe pa kripëra dhe duke pirë shumë ujë gjatë ditës. Nuk ka simptoma që i sëmuri të kuptojë që është i sëmurë nga veshkat, nëse nuk bënë analiza’, tha ajo.
Ndër shkaqet që çojnë në keqfunksionimin e veshkave renditen jeta sedentare, kequshqyerja, përdorimi i alkolit.
Depistimi është tepër i rëndësishëm për ta kapur sëmundjen në fazën fillestare, ndërsa për parandalimin e rëndësishme është dieta ushqimore.
Muaji mars shënon dhe muajin e ndërgjegjësimit të shëndetit të veshkave nisur nga rëndësia që menaxhimi i kësaj sëmundjeje ka për cilësinë e jetës, ndërkohë që sipas studimeve të fundit deri në vitin 2040 parashikohet që kjo sëmundje të jetë shkaku i 5- të kryesor i vdekjeve në botë.
Burimi: shqiptarja.com
