Hyrja e qytetit të Fierit ka tashmë një pamje të re, falë një projekti transformues që ka përmirësuar infrastrukturën dhe estetikën e zonës.
Ka përfunduar rikonstruksioni i rrugës së “Çeligradit”, e cila ka një gjatësi prej rreth 1,2 kilometra dhe ndodhet në lagjen “Mbrostar Ferko”.
Kjo rrugë shtrihet nga përfundimi i rrugës “Kastriot Muço” deri tek Bajpasi i Fierit, duke krijuar një lidhje më të mirë dhe më të sigurt për qytetarët dhe automjetet.
Ky investim nuk ka sjellë vetëm zgjerimin dhe asfaltimin e rrugës, por edhe një mobilim të plotë urban, duke përfshirë, ndriçimin, hapësira të gjelbëruara me pemë të mbjella përgjatë rrugës, Infrastrukturë të përmirësuar për këmbësorët dhe automjetet.
