Emri i saj është Alketa Gjika, dhe është vetëm 20 vjeçe.
Është përzgjedhur si kandidate e Partisë Djathtas Për Zhvillim dhe mund të quhet pa dyshim si një nga kandidatet më të reja në moshë ndoshta në gjithë vendin.
Në një postim të sajin ajo ka dhënë detaje rreth jetës dhe ambicieve politike:
Kam mbaruar shkollën e mesme te Janaq Kilica, një periudhë që më ka formuar si individ dhe që më ka dhënë mundësinë të kuptoj më mirë nevojat dhe kërkesat e qytetarëve të Fierit.
Ky është kandidimi im i parë, dhe jam e gatshme të përballem me sfidat e politikës, duke sjellë një zë të ri dhe një vizion të qartë për të ardhmen e Fierit.
Kam besim se duke punuar së bashku me qytetarët, mund të ndërtojmë një të ardhme më të mirë, më të sigurt dhe më të drejtë për të gjithë.
