Komisioni Qendror i Zgjedhjeve ka hedhur sot shortin për renditjen e subjekteve politike në fletën e votimit për zgjedhjet e 11 majit dhe sipas shorteut, Partia Socialiste renditet e pesta në fletën e votimit. Nga shorti i hedhur u vendos që Partia Demokratike-Aleanca për Shqipërinë Madhështore të renditet e para në fletën e votimit.
Ajo ndiqet nga Lëvizja Bashkë e drejtuar nga Arlind Qorri dhe në vendin e tretë nga Lëvizja Atdheu.
Partia Socialiste e drejtuar nga kryeministri Edi Rama renditet në vendin e pestë në fletën e votimit, ndërsa ndiqet nga koalicioni “Nisma Shqipëria Bëhet” e drejtuar nga Adriatik Lapaj.
Në vendin e nëntë renditet koalicioni “Djathtas për Zhvillim”, e ndjekur nga Partia Mundësia e Agron Shehajt, ndërsa lista përmbyllet me PSD-në në vendin e 11-të.
Renditja e plotë:
1-PD Aleanca për Shqipërinë Madhështore
2-Lëvizja Bashkë
3-Lëvizja Atdheu
4- Koalicioni Euroatlantik
5- Partia Socialiste
6-Nisma Shqipëria Bëhet
7-Aleanca Kombëtare Shqiptare
8-Aleanca për Demokracinë e Re
9-Djathtas për Zhvillim
10-Partia Mundësia
11-PSD
