Sëmundjet tumorale po prekin gjithnjë e më shumë pacientët kryesisht të moshës së tretë, por edhe në mosha më të reja.Të dhënat vijnë nga spitali rajonal i Fierit, ku në tre muajt e parë të vitit janë shënuar 120 pacientë me sëmundje tumorale.
Mjekja onkologe tregon grupmoshat e prekura dhe llojet e diagnostikimeve tek meshkujt dhe femrat.
“Vihet re rritje e numrit të rasteve me sëmundje malinje. Janë diagnostikuar 120 pacientë, kryesisht nga moshat e treta. Por, vihet re edhe rritje e rasteve tek moshat e reja”, tha për A2 CNN Anisa Mone.
Trashëgimia genetike dhe natyrisht mënyrat e jetesës dhe të ushqyerit shikohen si shkaqet kryesore të këtyre sëmundjeve, por mjekja apelon për kontrolle të vazhdueshme në mënyrë që sëmundja të kapet në fazat e para, pasi siguron trajtim më të mirë deri në eleminimin e sëmundjes.
Trajtimi i rasteve me sëmundje tumorale të kapura në kohë ka sjellë rezultate mjaft të mira pas trajtimit mjekësor, duke ulur ndjeshëm shkallën e vdekshmërisë. (A2 Televizion)
