“Ishte e vështirë por…”/ Sylvinho mbërrin në Rinas, ja përgjigjja për rinovimin e kontratës

Kombëtarja Shqiptare ka mbërritur në Tiranë pas eliminimit nga Euro2024. I pari nga kuqezinjtë që mbërriti në Rinas ishte trajneri Sylvinho, i cili u ndal për të folur me mediat, në lidhje me eksperiencën.

Ai u shpreh se ishte e vështirë, e megjithatë është krenar për futbollistët dhe federatën. Sylvinho u ndal dhe tek tifozët, teksa tha se mbështetja e tyre ishte e pabesueshme. Ndër të tjera, edhe pse jo drejtpërdrejt, foli dhe për rinovimin e kontratës, pasi përfundon në muajin korrik.

“Ishte një eksperiencë e mirë për të gjithë, ishte e vështirë për ne, por jemi krenarë për të gjithë futbollistët, federatën. Shumë njerëz që na mbështeten, ishte eksperiencë e pabesueshme. Unë jam pjesë e juaja. Kishte më shumë shqiptarë se sa gjermanë në Gjermani.”, tha Silvinjo.