Djersitja e skalpit, dëmet që shkakton tek floku dhe zgjidhjet e shpejta! Çfarë këshillojnë ekspertët

Djersa është e nevojshme për organizmin. Nuk është aspak shenjë e keqe, përkundrazi, është e domosdoshme për të rregulluar balancat që organizmi ka nevojë të ketë gjithë kohës.

Por kur djersitja bëhet në majë të kokës, ajo mund të jetë shumë e bezdisshme dhe të shërbejë si vatër bakteresh në flokë.

Vajrat natyralë dhe papastërtitë në skalpin e kokës nxisin ndjesinë e kruarjes.

Kjo është arsyeja përse ekspertët rekomandojnë larjen e kokës një herë në dy-tre ditë.

Në këtë artikull do të mësoni për mënyrat se si të shënjestroni problemin e djersitjes dhe kruarjes së skalpit për të pasur flokë sa më të shëndetshëm.

Mos i lani flokët shpesh

Larja e shpeshtë e flokut ndikon në shëndetin e tij.

Shampot dhe uji dobëson shtresat e jashtme të flokut dhe aftësinë për të funksionuar sepse shkatërron yndyrnat natyrale.

Ekspertët thonë që në mënyrë që të shmanget djersitja e tepërt dhe irritimi i skalpit, koka të lahet jo shumë shpesh dhe herë pas here të përdorni shampo pa shpëlarje.

Pastrimi i skalpit nga bakteret

Përpara larjes së zakonshme me shampo, ekspertët këshillojnë përdorimin e tërshërës pluhur.

Përziejeni atë me ujë të vakët dhe 5-6 pika vaj esencial trumze.

Masazhojeni kokën me këtë maskë dhe mbajeni 30 minuta.

Ajo do të ndihmojë në vendosjen e balancës në skalp dhe do të pengojë djersitjen e tepërt të tij.

Vajrat esencialë

Vaji i ullirit, vaji i arrës së kokosit, vaji i lavandës, vaji i rozmarinës e të tjerë janë shumë të mirë për shëndetin e skalpit dhe të flokut.

Përdorni secilin prej tyre, në disa pika, dhe masazhojeni skalpin para gjumit.

Mbështilleni kokën me peshqir dhe mbajeni vajin gjithë natën e më pas lajeni kokën në mëngjes.

Çaji jeshil

Çaji jeshil është shumë i pasur me antioksidantë, të cilët jo vetëm që luftojnë kancerin, por edhe përmirësojnë funksionet e trurit.

Këto antioksidantë ndihmojnë të zgjidhni çështjen e zbokthit duke ulur sasinë e qelizave të stimuluara nga inflamacioni.

Bustinat e çajit jeshil mund t’i përdorni për të fërkuar skalpin me to dhe më pas shpëlarjen e kokës pas disa orësh./AgroWeb.org