87% e drejtuesve nuk e rimarrin patentën, eksperti: Nuk njohin Kodin Rrugor
Thuajse 90% e drejtuesve të mjeteve që ritestohen pasi humbasin pikët e patentës nuk e rimarrin provimin.
Sipas të dhënave më të fundit të DPSHTRR për periudhën Qershor 2022- Shtator 2024, nga 1443 të rigjestruar në autoshkollë për shkak të heqjes së pikëve të patentës, vetëm 185 persona e kanë rifituar lejen e drejtimit.
- “Kontroll në vilën e Metës dhe Kryemadhit në Gjirin e Lalzit”, Klodiana Lala për arrestimin e kreut të PL
- Tetori Rozë, Koçiu dhe Balluku apel grave të Fierit: Parandalimi shumë më efikas se kurimi, kontrolle falas pa sistem referimi
- SPAK cakton detyrim paraqitje për Monika Kryemadhin
- Arrestimi i Metës, Berisha: Persekutim politik, nuk kanë publikuar asnjë fakt
- Arrestohet Presidenti i Partisë së Lirisë Ilir Meta
Kjo situatë që vazhdon të mbetet e njëjtë sipas ekspertit të aksidenteve rrugore Gëzim Hoxha reflekton mosnjohjen e Kodit Rrugor.
“Kjo do të thotë që nuk funksionon komisioni që i merr në provim ditën qe marrin lejen e drejtimit. Tani janë forcuar rregullat nuk e marrin dot më lejen sepse nuk e dinë kodin rrugor”.
Kjo situatë lë pasoja të drejtpërdrejta në rrugë, aty ku drejtuesit e mjeteve mbeten shkaktarët kryesore të aksidenteve.
“Këto përfshihen në aksidente. Bëjnë parakalime të gabuara, marrin kthesat me shumë shpejtësi…nuk njohin sinjalistikën rrugore”.
Ajo që sugjerohet është një kontroll më i detejuar ndaj persona që lëshojnë patentat për drejtuesit e rinj.
“Duhet bërë një analizë e thelluar sesa prej tyre kanë kaluar nga komisioneri”.
Vetëm në seancën e fundit të provimit, nga 24 të testuar, vetëm 3 prej tyre dolën fitues.
Tv Klan