Apolonia ka marrë një fitore të pastër në javën e katërt të Kategorisë së Parë, duke mposhtur Kastriotin me rezultatin 2-0 në stadiumin “Loni Papuçiu”.
Pas një pjese të parë të barabartë, fierakët e vendosën takimin me dy gola brenda vetëm tre minutave në pjesën e dytë.
Në minutën e 54-t, Trifoni gjeti rrugën e rrjetës duke kaluar fierakët në avantazh dhe pas 3 minutash ishte radha e Umejiegos që dyfishon rezultatin.
Për Umeijegon ky ishte goli i katërt sezonal, ndërsa për Trifonin i dyti.
Me këtë sukses, Apolonia arrin në kuotën e 7 pikëve pas katër javësh dhe renditet në vendin e tretë të klasifikimit.