Të shtëna me armë zjarri sot, 6 tetor, në Gjykatën e Apelit Tiranë.
Siç raporton gazetarja Glidona Daci, është qëlluar në drejtim të gjyqtarit Astrit Kalaja, i cili ka mbetur i plagosur.
Siç shihet në pamjet e siguruara nga Klan News, gjyqtari shihet i shtrirë përtokë, jashtë ambienteve të Gjykatës, ndërsa Policia ka vënë në pranga autorin.
Priten më shumë detaje në vijim, teksa nuk dihet gjendja shëndetësore e gjyqtarit.
Kalaja është pjesë e Gjykatës së Apelit të Juridiksionit të Përgjithshëm, që prej vitit 2023. Më herët, ai ka mbajtur detyrën e zv/kryetarit të Gjykatës së Apelit Shkodër, 2019-2023, ndërsa nga viti 1993 deri në 2004, ai ka qenë Gjyqtar pranë Gjykatës së Rrethit Gjyqësor Shkodër.
