Diabeti është një nga sëmundjet më të përhapura sot dhe shpesh shfaqet pa simptoma të qarta. Mjekët theksojnë se zbulimi i hershëm është vendimtar për të shmangur komplikacionet serioze si dëmtimi i zemrës, veshkave dhe shikimit. Ja 8 shenjat e para që shumë njerëz i neglizhojnë:
1. Etje e tepërt (polidipsia)
Organizmi kërkon më shumë ujë pasi nivelet e larta të glukozës thajnë trupin.
2. Urinim i shpeshtë, sidomos natën
Nivelet e larta të sheqerit shtojnë prodhimin e urinës.
3. Lodhe kronike dhe mungesë energjie
Qelizat nuk marrin mjaftueshëm glukozë, ndaj trupi ndjehet i lodhur.
4. Shikim i turbullt
Sheqeri i lartë shkakton fryrje të thjerrëzës së syrit dhe ul cilësinë e shikimit.
5. Humbje peshe pa shkak
Edhe pse hani normalisht, trupi nuk përdor glukozën si duhet dhe djeg yndyrnat.
6. Plagë që shërohen ngadalë
Qarkullimi i dobët i gjakut dhe inflamacioni i lartë ngadalësojnë riparimin e lëkurës.
7. Infeksione të shpeshta
Veçanërisht te gratë – infeksionet e kërpudhave shfaqen më shpesh nëse sheqeri është i lartë.
8. Mpirje ose pickime në duar dhe këmbë
Nervat preken nga nivelet e larta të glukozës (neuropatia diabetike).
Kur duhet të bëni analiza?
Nëse keni 2 ose më shumë nga këto simptoma, ekspertët rekomandojnë analizat bazë:
- Glukoza esëll
- HbA1c
- Insulina
- Test tolerancë glukoze
Zbulimi i hershëm ruan shëndetin dhe shmang komplikacionet.