Familja Rrapaj në Kuman të Roskovecit ka hapur dyert e mortit pas tragjedisë së ndodhur mesditën e djeshme ku 80-vjeçari Shefit Rrapaj vrau me pushkë bashkëshorten e tij, Dashuri Rrapaj 75 vjeçe, e më pas u vetëvra.
Varrimi i dy viktimave do të bëhet i ndarë. Dashuri Rrapaj do të përcillet për në banesën e fundit në fshatin e lindjes.
Ndërkohë që Shefit Rrapaj ndodhet ende në morgun e Fierit dhe trupi i tij ende nuk po tërhiqet nga familjarët.
“Shefitin e kanë lënë djemtë në morg, sa të qetësohet mbase dhe e marrin. Ata fisi i Shefitit nuk kanë ardhur fare këtu, vetëm njerëzit e Dashurisë”, tha një nga fqinjët.
Të tronditur dhe në gjendje të rëndë emocionale 9 fëmijët e nuk familjes Rrapaj nuk kanë pranuar të flasin, por vëllai i viktimës dhe fqinjët e tyre konfirmojnë konfliktet e vazhdueshme në këtë familje.
“50 vjet motra jonë gjithmonë për atë ka qenë mbulesë, 50 vite. Për shembull kishte hije prindi të rëndë, jo një baba. Të vijë fëmija ta përqafojë, të vijë gruaja hidhja dorën në qafë, u lodhe. Gjendja e fëmijëve është skandal, për babain se u vrau nënën. Je prind, mos o Zot të ndodhi. Para 10 ditësh i denoncoi në polici. Erdhi policia këtu, merr motrën dhe nipin.
Më merr nipi në telefon nga Greqia, më thotë shko daja se ka marrë policia mamin dhe Arturin. Krimineli, ka qenë problematik. Ka qenë një burrë i dhunshëm. Para 10 vitesh ka tentuar të vrasë veten. Ne e kemi marrë motrën tonë, do ta varrosim aty ku kemi nënën dhe babanë, të jetë në mes të luleve. Nuk më interesojnë fare familjarët e tij, e kam dhënë me shkrim, ta varrosin në gropën më të thellë si qen”, u shpreh vëllai i viktimës.
Katër ditë para krimit të rëndë, në banesën e tyre kishte ndërhyrë edhe policia për të sqaruar mosmarrëveshjet mes tyre. Ndërkohë që shefit Rrapaj kishte tentuar t’i jepte fund jetës edhe 20 vite më parë.
Top Channel
