Kryetari i Bashkisë së Fierit, Armando Subashi, zhvilloi një takim me Ambasadorin e Turqisë në Shqipëri, Barış Ceyhun Erciyes, ku vlerësoi investimin e Qeverisë Turke për ndërtimin e Spitalit Memorial në Fier.
Gjatë takimit, Spitali Memorial u cilësua si një histori suksesi për shërbimin ndaj qytetarëve dhe një model modern menaxhimi në sistemin shëndetësor.
Po ashtu, u diskutuan mundësitë për rritjen e investimeve të kompanive turke në Fier, me synimin për më shumë zhvillim ekonomik dhe mundësi të reja për qytetarët.
