Spitali Memorial Fier do të zgjerojë kapacitetet e tij me dy shërbime të reja të specializuara, duke shënuar një hap të rëndësishëm në përmirësimin e kujdesit shëndetësor për pacientët.
Bëhet fjalë për ngritjen e shërbimit të Kardiokirurgjisë, i cili do të funksionojë me një ekip të përbashkët turko-shqiptar, si dhe për hapjen e Kabinetit të Kimioterapisë Ditore, që do t’u mundësojë pacientëve onkologjikë të marrin trajtim më pranë vendbanimit të tyre.
Ministrja e Shëndetësisë dhe Mirëqenies Sociale, Evis Sala, deklaroi se këto investime synojnë të rrisin aksesin dhe cilësinë e trajtimeve të specializuara, duke sjellë standarde të reja shërbimi për qytetarët.
Sipas saj, zgjerimi i shërbimeve në Memorial Fier përfaqëson një tjetër hap drejt forcimit të sistemit shëndetësor dhe ofrimit të kujdesit më cilësor për pacientët në jug të vendit.
