Physical Address
304 North Cardinal St.
Dorchester Center, MA 02124
Departamenti i Policisë Kufitare dhe Migracionit njofton qytetarët se, bazuar në informacionin e marrë nga Qendra e Bashkëpunimit Policor në Kakavijë, punonjësit e doganës greke do të zhvillojnë një grevë ditën e diel, më 27 korrik 2026.
Për shkak të kësaj proteste, do të ketë një pezullim të përkohshëm të lëvizjes së automjeteve në disa prej pikave kryesore të kalimit kufitar me Shqipërinë.
Oraret e bllokimit sipas pikave kufitare:
• PKK Kakavijë dhe Tre Urat (Përmet): Nga ora 07:00 deri në 11:00(me orën shqiptare).
• PKK Kapshticë (Korçë) dhe Qafë Botë (Sarandë): Nga ora 05:00 deri në 09:00(me orën shqiptare).
Gjatë këtyre fashave orare, qarkullimi i të gjitha automjeteve në pikat e sipërpërmendura do të jetë tërësisht i pezulluar.
Kufizimet për udhëtarët
Sipas njoftimit zyrtar nga Policia Kufitare e Janinës, gjatë orëve të grevës do të lejohet vetëm:
• Kalimi i këmbësorëve pa bagazhe.
• Rastet e emergjencave shëndetësore (si automjetet e ambulancës).
Policia Kufitare u bën thirrje të gjithë qytetarëve dhe drejtuesve të mjetit që të planifikojnë udhëtimet e tyre duke pasur parasysh këto orare, për të shmangur vonesat dhe radhët e gjata në kufi.
