Physical Address
304 North Cardinal St.
Dorchester Center, MA 02124
Një fermë blegtorale është përfshirë nga flakët mesditën e sotme në lagjen “29 Marsi”, në Patos.
Sipas informacioneve paraprake nga shërbimet zjarrfikëse, zjarri është përhapur me shpejtësi, i favorizuar nga era e fortë, duke bërë të nevojshme ndërhyrjen edhe të forcave zjarrfikëse nga Fieri dhe Roskoveci.
Në vendngjarje ndodhen pesë mjete zjarrfikëse dhe 25 efektivë, të cilët po punojnë për vënien nën kontroll dhe shuarjen e flakëve.
Zjarri ka përfshirë jo vetëm fermën, por edhe bazën ushqimore të saj.
Ferma i përket familjes Sanxhaku, ndërsa deri në këto momente nuk ka ende një bilanc të qartë të dëmeve.
Shkaqet e rënies së zjarrit mbeten ende të paqarta dhe pritet të zbardhen pas përfundimit të hetimeve.
