Çifti i huaj që dashuron Shqipërinë: Duam të jetojmë këtu përgjithmonë, ka natyrë të mrekullueshme
Sara dhe Naim Payman janë një çift mjaft i njohur në vendin tonë, për shkak të kuriozitetit që ngjallin tek kushdo që i takon si pasojë e origjinës së tyre. Ajo që i bashkoi dhe i solli në vendin tonë është dashuria, Naimi i rritur në Shqipëri ndërsa Sara në Angli!
- Vodhi një makinë me 47 mln lekë brenda, arrestohet 46-vjeçari i dënuar më parë për grabitje
- Mësuesja fierake, Alkida Mehmeti, shpreh ambicjen për tu bërë pjesë e listës së deputetëve të PD
- Bujqësi me fruta ekzotike, fermeri nga Divjaka gjen sekretin e eksporteve të sigurta: Më favorizojnë ndryshimet klimatike!
- Bonusi i pranverës për pensionistët – Shpërndarja nis nga 1 marsi, do të jetë i përvitshëm
- Berisha: Rama po blen vota me bonusin elektoral. Do vendosim kartën e konsumatorit 450 euro për pensionistët
Në një intervistë për “Mirëmëngjesi Shqipëri”, ata rrëfejnë disa prej arsyeve përse kanë zgjedhur Shqipërinë për të ndërtuar jetën e tyre.
“Më pëlqen shumë natyra këtu. Ka shumë vende në Shqipëri që janë shumë të bukura. Në jug plazhet janë shumë të pastra, më mirë se në çdo vend në botë. Veriu po ashtu është shumë i bukur”, u shpreh Sara Payman.
Kjo e fundit ka rrëfyer dhe pasionin e saj për muzikën, e kryesisht është e apasionuar pas këngëve të këngëtares së mirënjohur Vaçe Zela.
Sara Payman ka dëshirë që këto këngë të Vaçes t’i këndojë në koncerte për publikun shqiptar.
“Preferoj shumë këngët e Vaçe Zelës, Alban Skënderaj. Do këndoj në një koncert, hera ime e parë në Shqipëri. Jam pak e emocionuar për këtë gjë, por mezi po e pres”, u shpreh ajo.
