Sipas Bashkise së Fierit, po përmbyllet projekti i rëndësishëm për rehabilitimin dhe forcimin e argjinaturës së lumit Vjosa, dega Martin.
Ky projekt, i financuar nga Emergjencat Civile dhe fondi për parandalimin dhe menaxhimin e fatkeqësive natyrore, përfaqëson një investim jetik për sigurinë e banorëve të zonës.
Argjinatura do të sigurojë mbrojtjen e 450 familjeve të fshatit Ferras dhe fshatrave përreth, duke parandaluar përmbytjet e mundshme që sjell lumi Vjosa gjatë reshjeve të shumta.
Ky investim përfaqëson një hap të rëndësishëm drejt garantimit të jetës dhe pronës së banorëve, si dhe zhvillimit të qëndrueshëm të zonës.
