Thirrje për ndihmë/ E reja nga Fieri në betejë me një sëmundje të rrallë gjenetike
Rosalinda, një 22-vjeçare nga Fieri, po përballet me një betejë të vështirë kundër një sëmundjeje të rrallë gjenetike të quajtur Neurofibromatoza Tip 2 (NF2).
Në verën e vitit 2023, pas disa problemeve të shfaqura me dëgjimin, Rosalinda vendosi të bëjë një kontroll rutinë, por lajmi që mori ishte tejet i rëndë.
Rezonanca magnetike zbuloi dy tumore në tru të quajtura neuroma akustike. Pas kësaj, një rezonancë e dytë tregoi edhe dy tumore të tjera në palcën kurrizore.
Vetëm gjashtë muaj më pas, një kontroll tjetër zbuloi se numri i tumoreve ishte rritur në dhjetë në të gjithë trupin e saj. Tronditja dhe frika nga ky lajm ishin të mëdha.
Rosalinda shpjegon se askush tjetër në familjen e saj nuk ka NF2-SWN, gjë që e ka bërë këtë diagnozë një sfidë të madhe. Ajo përballet me vështirësi të përditshme, por mbetet e vendosur për të luftuar për shëndetin, të ardhmen dhe për të dashurit e saj.
Megjithëse është e frikshme dhe e dhimbshme të jetosh me shumë tumore, ajo e ruan shpresën për të gjetur trajtime dhe mbështetje që mund t’i lehtësojnë këtë rrugëtim.
Linku i dhurimit
