Fermerët në Lushnjë po e tregtojnë pjeshkën këtë vit më shtrenjtë. Çmimi është dyfish më i lartë krahasur me vjet dhe prodhuesit janë të kënaqur. Një pjesë e produktit shkon për tregun vendas.
-Ku po e shet?
-Këtu në tregun e Lushnjes.
-E shet të gjithë sasinë?
-Me pjesë, aq sa vjelim. Vjelim 30, 40 arka.
-Ka kërkesa?
-Po, ka. Nuk kanë qenë keq.
Edhe fermerë të tjerë që janë duke vjelur prodhimin shprehen të knëaqur me shitjen e këtij fruti. Pjesa më e madhe e produktit shkon edhe për eksport. Kërkesë më të lartë ka nga vendet e rajonit si Kosova apo Maqedonia e Veriut.
“Prodhimi është edhe për tregun vendas, një pakicë, dhe për eksport. Jemi shumë të kënaqur me pikat e grumbullimit që po marrin dhe po mbledhin për jashtë.”
Barbullinja në Lushnjë është një nga zonat ku sipërfaqe të tëra janë të mbjella me pjeshkë. Fermerët po kultivojnë disa variete kryesisht të marra nga Greqia dhe për shkak të klimës fruti piqet herët duke bërë që prodhimi të dalë edhe më herët në treg.
Klan News
Leave a Reply