Aksident në aksin Fier-Cakran, përplasen dy automjete! Tre pasagjerë nisen me urgjencë në spitalin e Fierit 

Një aksident ka ndodhur pak minuta më parë në aksin Fier-Cakran.

Dy automjete tip “Ford” dhe “Volkswagen” janë përplasur me njëri-tjetrin dhe, si pasojë e goditjes së fortë, tre pasagjerë kanë mbetur të dëmtuar dhe janë transportuar me urgjencë drejt Spitalit Rajonal Fier, ku po marrin ndihmën mjekësore.

Në vendngjarje kanë shkuar menjëherë shërbimet e policisë dhe grupi hetimor, i cili po punon për zbardhjen e shkaqeve të këtij aksidenti.