Odise Roshi do të vijojë karrierën në Ligën e Parë turke. Lajmin e ka zbuluar mesfushori Eduart Rroca, i cili këtë sezon do të jetë shok skuadre me fierakun te skuadra e Ankara Keciorenguçu.
Të dy futbollistët shqiptarë, kanë pozuar së bashku, teksa mbanin veshura fanellën e skuadrës turke.
Rroca është bashkuar me Ankara Keciorenguçu nga sezoni i kaluar, ndërkohë që Roshi momentalisht ishte pas skuadër, pas përfundimit të aventurës me Erzurumspor.
Vlen të theksohet fakti, se anësori fierak është një njohës i mirë i ligës së parë turke, ku në total është aktivizuar 116 ndeshje duke shënuar 14 gola dhe duke regjistruar 16 asiste.
Pjesë e skuadrës nga Ankaraja është edhe mbrojtësi me origjinë shqiptare, Sulejman Lush. Edhe 24-vjeçari i ka uruar mirëseardhjen Roshit, duke postuar një foto së bashku edhe me Rrocën, me mbishkrimin 3 shqiptarët.
Leave a Reply