Një rastësi e rrallë dhe emocionuese ka ndodhur në maternitetin “Mbretëresha Geraldinë” në Tiranë: 10 mami, të cilat çdo ditë kujdesen me përkushtim për nënat dhe foshnjat, janë shtatzëna njëkohësisht.
Lajmin e ka bërë publik kryeministri Edi Rama, i cili e ka cilësuar këtë një ngjarje të bukur e të veçantë.
“Një rastësi e bukur: 10 mami të maternitetit ‘Mbretëresha Geraldinë’ në të njëjtin udhëtim mëmësor”, ka shkruar Rama në Facebook.
Edhe vetë faqja zyrtare e maternitetit e ka shpërndarë këtë gëzim të madh me një postim emocionues.
“Nga duart që kujdesen për jetën, tek zemrat që mbajnë jetë brenda tyre. Në SUOGJ ‘Mbretëresha Geraldinë’, 10 mami po përjetojnë së bashku mrekullinë e shtatzënisë.Ato që çdo ditë kujdesen me përkushtim maksimal për gruan, nënën dhe foshnjën, sot mbajnë edhe vetë bekimin më të madh – jetën brenda tyre. Një dhuratë e rrallë që na emocionon të gjithëve”, thuhet në fund
Leave a Reply