“Festivali i Sigurisë Rrugore” ndalet në Fier: Argëtim dhe edukim për fëmijët

Sot në sheshin qendror të Fierit u zhvillua “Festivali i Sigurisë Rrugore”, një aktivitet që synon të rrisë ndërgjegjësimin për rregullat e qarkullimit dhe sigurinë rrugore tek fëmijët.

Fokus i veçantë i festivalit ishte njohja dhe respektimi i rregullave të trafikut, një temë shumë e rëndësishme, veçanërisht në një periudhë kur shifrat e aksidenteve në vend kanë shënuar rritje.

Pjesëmarrës ishin fëmijët e shkollës “Liri Gero”, të cilët u përfshinë aktivisht në aktivitetet dhe u argëtuan duke mësuar njëkohësisht rregullat e sigurisë rrugore.

Organizatorët synojnë që përmes këtij festivali të nxisin përgjegjshmërinë e fëmijëve dhe të komunitetit në ruajtjen e sigurisë rrugore.