Fier/ Po drejtonte biçikletën dhe bie në kanal, ndërron jetë 81-vjeçari

Një 81-vjeçar ka ndërruar jetë ditën e djeshme pas një aksidenti me biçikletë.

I moshuari me banim në fshatin Kafaraj të Fierit, ishte duke drejtuar biçikletën teksa ka rënë në kanal dhe për pasojë ka ndërruar jetë.

“Specialistët për Hetimin e Krimeve të Komisariatit të Policisë Fier referuan materialet në Prokurori për vlerësim pasi ditën e djeshme, në fshatin Kafaraj, shtetasi F. T., 81 vjeç, dyshohet duke drejtuar biçikletën, ka rënë në një kanal dhe për pasojë ka humbur jetën”, njofton policia.