Të shtëna me armë zjarri pranë kthesës së spitalit në Lushnjë

Të shtëna me armë zjarri janë raportuar mesditën e sotme në Lushnjë.

Sipas informacioneve paraprake, shtënat janë regjistruar në afërsi të kthesës së spitalit.

Ende nuk dihen rrethanat e plota të ngjarjes dhe ndaj kujt është qëlluar ndërsa deri tani nuk raportohet për të lënduar.

Në vendngjarje janë gjetur gëzhoja, ndërsa policia po punon për zbardhjen e ngjarjes.

Sakaq, informacione të pakonfirmuara sinjalizojnë se në fshatin Lifaj është gjetur një mjet i djegur, që dyshohet të jetë përdorur nga personat që kanë qëlluar me armë çka ngre dyshime për atentat.