Fier, nis Festivali Teatror për të rinjtë

Ka nisur Festivali Teatror për të rinjtë, një iniciativë artistike që bashkon në një skenë trupat teatrore të gjimnazeve të Bashkisë Fier.

Ky aktivitet synon të promovojë talentin, pasionin dhe krijimtarinë e të rinjve, duke u dhënë atyre mundësinë të shprehen përmes artit skenik dhe të ndajnë emocionet me publikun.

Festivali do të zhvillohet gjatë periudhës mars–prill dhe do të kulmojë me një javë të plotë shfaqjesh në Teatrin “Bylis”, në fund të muajit prill.

Gjatë kësaj jave do të prezantohen produksionet më të mira, ndërsa në përfundim do të shpallen edhe fituesit.