Një aksident tragjik rrugor është regjistruar në autostradën Tiranë-Durrës, pranë QTU-së, ku është përmbysur një furgon i linjës së Beratit dhe kanë humbur jetën dy persona.
Dyshohet se shoferi ka pësuar një përgjumje ose një infarkt.
Ndërkohë, mësohet se 14 persona kanë mbetur të plagosur, ndërsa mes tyre është edhe një fëmijë në gjendje të rëndë.
Në vendngjarje kanë mbërritur forcat e policisë, ekipet e zjarrfikëses dhe autoambulancat, të cilat po punojnë për t’u dhënë ndihmën e parë të lënduarve dhe për nxjerrjen e pasagjerëve nga autobusi.
