Një lajm i trishtë ka tronditur ditën e sotme komunitetin artistik dhe mbarë qytetin e Fierit.
Është ndarë nga jeta në moshën 79-vjeçare aktori i mirënjohur Sotir Stefa, një nga figurat më të dashura të skenës dhe humorit fierak.
Për dekada me radhë, Sotir Stefa dha një kontribut të jashtëzakonshëm në jetën kulturore të qytetit tonë. Me talentin, thjeshtësinë dhe përkushtimin që e karakterizonte, ai arriti të sillte buzëqeshje, dritë dhe emocione të forta te breza të tërë spektatorësh që e ndoqën dhe e duartrokitën pa fund.
Kolegët, miqtë dhe i gjithë publiku artdashës do ta kujtojnë gjithmonë jo vetëm si një artist të përmasave të mëdha e të respektuar, por edhe si një njeri me vlera të rralla njerëzore.
Ikja e tij është një humbje e madhe dhe e zëvendësueshme për skenën, për komunitetin artistik dhe për memorien kulturore të Fierit.
Trashëgimia që ai la pas do të mbetet përherë një pikë referimi në artin fierak.
Redaksia e “Fieri Sot” i shpreh ngushëllimet më të sinqerta familjes, të afërmve dhe kolegëve të artistit.
I paharruar qoftë kujtimi i tij! U prehtë në paqe!
