Një sukses i madh për FC Arena Shosha në Turneun Ballkanik në Ohër!

Nga data 21–24 qershor, në Ohër, Maqedonia e Veriut, u zhvillua turneu ndërkombëtar “Balkan Promises Football Tournament”, ku morën pjesë 15 ekipe nga Shqipëria, së bashku me shumë ekipe të tjera nga vendet e Ballkanit.

FC Arena Shosha, me grupmoshën 2018, e drejtuar nga ish-futbollisti fierak Mariglen Shosha, zhvilloi një paraqitje të jashtëzakonshme, duke u shpallur kampione e turneut dhe duke zënë vendin e parë.

Sukseset nuk përfunduan me kaq. Lojtari i FC Arena Shosha, Patrik Shosha, u shpall golashënuesi më i mirë i turneut, duke fituar Këpucën e Artë me 11 gola të realizuar.

Ky është një rezultat që vlerëson punën, përkushtimin dhe talentin e fëmijëve, si edhe punën e trajnerit dhe të gjithë stafit të klubit.

Urime të gjithë ekipit për këtë arritje të shkëlqyer dhe suksese të tjera në vazhdim! 🏅⚽💚